საბანერო რეკლამა!

SOPHIE VILLY @ DIVAN

(კატეგორია: თბილისი) როდის?

მაისი 12, 2013 8:00 pm - მაისი 12, 2013 8:00 pm

სად?

ტაბიძის 3/5, ფესტივალი - რესტორაცია დივანი, თბილისი

ფასი?

უფასო

ღონისძიების აღწერა

Sophie Villy – დამოუკიდებელი არტისტი, თავისუფალი პოეტი, მუსიკოსი, რომელიც ღიად მღერის რეალობაზე, გოგონა, რომელმაც თავისი 22 წლის ასაკისთვის უკვე დიდ წარმატებას მიაღწია საქართველოს ფარგლებს გარეთ. ახლა მისი სამშობლოს ჯერიც დადგა. დროა ხალხმა გაიგოს ვინ არის სოფი ვილი (სოფო ხუციშვილი).
სოფი თავდაუზოგავი შემოქმედია. lenta.ru გვატყობინებს, რომ “სოფი წარსულის და აწმყოს ყველა გენიოსს ჰგავს, იგი გადმოსცემს უმთავრესს, რომლის ძიებაშიც სხვები ათას სიტყვას და ნოტს უაზროდ ფლანგავენ.”
Sophie Villy სცენაზე ბობ დილანს გაგონებს – ერთი ყველას წინააღმდეგ, პოეტის თავდაჯერებული ხმა. მის კონცერტზე დინამიკებიდან გამომავალი ხმა ჰაერს მუქ ცისფრად ღებავს, სოფი შამანურად მოძრაობს დიდი გიტარით ხელში და ეს ყველაფერი პუბლიკის სახეებზე რამდენიმე ათეული წუთი სასიამოვნო ღიმილს ტოვებს.
მისი პირველი ალბომი Mother Fish – უცნობი მთიდან ამომავალ წყაროს ჰგავს. იდელაური, რა თქმა უნდა, არ არის, და ისე ისმინება, თითქოს მეზობელ ოთახში რაღაც ჯადოსნური ჟღერს. სოფი ამ ალბომში ჯერ კიდევ სინჯავს თავის შესაძლებლობებს. მაგრამ მიუხედავად ამ ყველაფრისა, ეს არის ალბომი, რომელიც პირველივე წამებიდან გვატყობინებს შემსრულებლის მიერ ჩადებულ აზრს, ხასიათს და ინტონაციას.
სოფის ახალი სინგლი Position გრაციოზული რამ გამოვიდა. ექს Fugees-ის პროდიუსერი ჯონ ფორტე ამ სიმღერას დიდი ხნის მანძილზე აქებდა თავის ბლოგზე, სოფის ამერიკული ტურნედან დაბრუნების შემდეგ. ისეთი სინგლია, რომელიც გინდა ვინილზე ჩაწერო და სათუთად შეინახო. ტექნიკურად იდეალური ჩანაწერია. საშინელ ყურსასმენშიც კი ყველა დეტალი ისმის. Position ყველა დემონსტრაციაზე და რევოლუციაზე ხმამაღალი მანიფესტია. სოფი გვიჩურჩულებს ქართველებს დავრჩეთ ჩვენს მწვერვალებზე და არ ავყვეთ ჭუჭყით სავსე პოლიტიკურ თამაშებს. ინგლისური ენა სიმღერას უნივერსალობას მატებს, სოფის ვოკალს კი საინტერესო მოგზაურობაში გადაყავხარ.
სოფი ასევე ფილმებისთვის წერს მუსიკას და არა ერთ უცხოურ ფილმში ჟღერს მისი საუნდტრეკები. ბევრ ფესტივალზე გამოდის. ახლა მეორე ალბომზე მუშაობს და იმედი გვაქვს სულ მალე მასაც მოვისმენთ.

Entrance?

Face control

Telephone?

+995 599 01 88 84

• ვინ არიან დაინტერესებულნი? (0)

  See more

• Statistics

  • Statistics is available only for events with at least 4 interested users.

• მზგავსი ღონისძიება